سونبول
بیردنه جیک بوغدادان
نئچه سونبول یئتیشدی
بیردنه جیک سونبول دن
نئچه دنه دن دوشدو
دییرمان اون اله دی
بوغدادان چؤرک پیشدی
چؤره یی ده من یئدیم
سونبوله بئله دئدیم
آی سونبول دول چؤللره
چؤرک گتیر ائل لره
منبع : ماهنامه آفتاب آذربایجان
عمه جانم می گوید : یک وبلاک نویس خوب از هر جا که شعر و قصه می نویسد منبع را هم می نویسد.
پیچاق
الیمی پیچاق کسیبدی
دسته پیچاق کسیبدی
یاغ گتیرین یاغلییاق
دسمال وئرین باغلییاق
دسمال ده وه بوینوندا
ده وه شیروان یولوندا
شیروان یولو بوز باغلار
دسته دسته گول باغلار
او گولون بیرین اوزئیدیم
ساچ باغیما دوزئیدیم
قارداشیمین تویوندا
سیندیرا - سیندیرا سوزئیدیم
*
منبع : ماهنامه آفتاب آذربایجان
*
شکیل
گلین بیر شکیل چکک
شکیل ده چیچک چکک
چیچک اوسته کپنک
قانادینی چیل چکک
سونرا گؤزل رنگ لیه ک
اؤیرتمنه پای وئرک
منبع : ماهنامه آفتاب آذربایجان
شنگولوم - منگولوم
شنگولوم - منگولوم
سؤیله ییر آخشام ننه
ناغیل یاریمچیق قالیب
یوخوسو گلیر گئنه
قورتارمامیش سؤزونو
ننه یومور گؤزونو
آیتن دولوخسونور کی
آرخاسینی سؤیله سن
آناسی آچیقلاییر:
یات سحر سؤیله درسن
قیز دئییر : آنا یوخ - یوخ
ننه م سؤیله سین ایندی
شنگولو مو - منگولومو
آخی جاناوار یئدی
جیرسین اونون قارنی نی
گئچی نین بوینوزلاری
سحره کیمی قالسا
اؤلر یازیق بالالاری
منبع ماهنامه آفتاب آذربایجان
آچار
آی آچار گؤزل آچار
قاپیمیزی باغلا برک
اونو آچما هئچ کیمه
بیز گئدیب گلنه دک
*
قولچاغیم لا دووشانیم
قوتونون ایچینده دی
قویموشام باخ بورادا
قاپی نین کونجونده دی
*
قاپی آچیلسا بیردن
حیه طه قاچار اونلار
گؤروب ایتی - پیشیگی
اوشاقدی قورخار اونلار
*
منبع ماهنامه آفتاب آذربایجان
*
ننه
سن نه یاخشی ننه سن
سن منه : اوغول بالام
قند بالام نوغول بالام
سؤیله ییرسن جان ننه
ائویمیزده هامی دان
مهربان سان سن منه
آخشاملار سویوندوروب
یاتاغیما سالیرسان
منه لای لای چالیرسان
شیرین شیرین یات بالام
قند بالام نابات بالام
سن نه یاخشی ننه سن
اؤیرتمیسن منه سن
بایاتی لار نغمه لر
چتین - چتین کلمه لر
دادلی صحبت لرین
دینله مکدن دویمارام
ائله دئییرم ننه
یئنه ناغیل دئی منه
من سندن اؤیرنمیشم
آذربایجان دیلینی
داغلی قارلاریمیزین
چیچه یینی گولونو
تانیتمیسان منه سن
سن نه یاخشی ننه سن
از ماهنامه آفتاب آذربایجان - تبریز- خیابان جمهوری اسلامی - روبروی مسجد اصفهانیان
پیشان
پیشان پیشان خان پیشان
هامیدان قورخان پیشان
نئیه یئدین جوجه می؟
او ساری توکلوجه می
سنی هارادا تاپسام
گزیب ایزینه چاتسام
قولاغینی بوراجام
سندن آجیق اچاجام
منبع ماهنامه آفتاب آذربایجان
قولچاق
قولچاغیمی گون آلتدا
قویوب گئتمیشم باغا
اوشاقلارلا بیرلیکده
گیزلین - قاچ اویناماغا
ایندی گلیب گؤرورم
اونون قیزدیرماسی وار
قولچاغیم خسته لنیب
اوینامیرام اوشاقلار
**
از مجله آفتاب آذربایجان، آدرس:
تبریز خیابان جمهوری اسلامی روبروی دربند اصفهانیان
***
آی منیم جوجه لریم
جیک جیک جوجه لریم
جیک جیک جیک جیک
جوجه لریم
منیم قشنگ جوجه لریم
توکو ایپک جوجه لریم
گؤزله ییرم یئکه له سیز
گؤی چمنده دینجه له سیز
آی منیم جوجه لریم
آی منیم جوجه لریم
آی منیم جوجه لریم
آی منیم جوجه لریم
منیم قشنگ جوجه لریم
جیک جیک جوجه لریم
جیک جیک جیک جیک
جوجه لریم
گلین سیزه یئمک وئریم
من سو وئریم چؤرک وئریم
آی منیم جوجه لریم
آی منیم جوجه لریم
آی منیم جوجه لریم
آی منیم جوجه لریم
جیک جیک جوجه لریم
جیک جیک جیک جیک
جوجه لریم
آرزوم بودور بوی آتاسیز
آنانیزا تئز چاتاسیز
آی منیم جوجه لریم
آی منیم جوجه لریم
جیک جیک جوجه لریم
جیک جیک جیک جیک
جوجه لریم
این شعر قشنگ را یه مامان سوئیسی برام فرستاده . این یک
ترانه خیلی قشنگ هست.
جوجه لریم اینجا گوش کنید:
اینجا شعرها و قصه ها و مطالب خوب و خواندنی را از کتاب های فارسی ام و رشدهایم ( رشد کودک ، رشد نوآموز ، رشد دانش آموز ) انتخاب می کنم و می نویسم.همیشه یاد بابام را گرامی می دارم