شنگولوم - منگولوم

شنگولوم - منگولوم

سؤیله ییر آخشام ننه

ناغیل یاریمچیق قالیب

یوخوسو گلیر گئنه

قورتارمامیش سؤزونو

ننه یومور گؤزونو

آیتن دولوخسونور کی

آرخاسینی سؤیله سن

آناسی آچیقلاییر:

یات سحر سؤیله درسن

قیز دئییر : آنا یوخ - یوخ

ننه م سؤیله سین ایندی

شنگولو مو - منگولومو

آخی جاناوار یئدی

جیرسین اونون قارنی نی

گئچی نین بوینوزلاری

سحره کیمی قالسا

اؤلر یازیق بالالاری

منبع ماهنامه آفتاب آذربایجان